აირწინაღი

❗️❗️❗️ პროდუქტის შესაძენად გთხოვთ გადახვიდეთ საიტზე ✅WARBORN.GE✅ ან დარეკეთ ნომერზე 558248342❗️❗️❗️

ეს არის პროფესონალური, ღია სისტემის NATO-ს სტანდარტის აირწინაღი, რომელსაც მოყვება კვამლის ფილტრი. საჭიროების შემთხვევაში შესაძლოა თქვენს სპეციალურ გარემოზე მორგებული ფილტრების დამზადებაც!

ეს არის უმაღლესი ხარისხის NATO-ს სტანდარტის აირწინაღი.
უმთავრესი NATO-ს სტანდარტი არის რომ აირწინაღს ერგებოდეს ფილტრი, რომლის სასუნთქი დიამეტრიც არის 40 მილიმეტრი (4სმ). ეს ნიშნავს იმას რომ ამ აირწინაღის ფილტრები მიდის სხვა დასავლური სტანდარტის აირწინაღებზეც და პირიქით: სხვა დასავლური სტანდარტის აირწინაღების ფილტრები მოერგება ამას.

აირწინაღს მოყვება ერთი ცალი კვამლის ფილტრი. ეს ფილტრი არის ყველაზე ფართოდ გავრცელებული და გამოიყენება მაგალითად ხანძრის შემთხვევებში კვამლის შესუნთქვისგან თავის დასაცავად, ასევე ნებისმიერ პირობებში სადაც რისკია რომ შევისუნთქოთ მტვერი და დაბინძურებული ნაწილაკები.
თუ სპეციალიზირებულ გარემოზე მორგებული ფილტრები გჭირდებათ, შეგიძლიათ დაგვიკვეთოთ CO-ს, ჰიდროგენის ქლორიდის, ჰიდროგენის სულფიდის, ფოსგენის და სხვა ფილტრები.

რამდენ ხანს ყოფნის ფილტრი: ამის ზუსტი სტანდარტი არ არსებობს. ფილტრს აქვს გარე და შიდა მცველები. შიდა მცველი ეხსნება რომ აირწინაღს გავუკეთოთ, ხოლო გარე მცველი ეხსნება რომ მასში ჰაერი შევიდეს. აირწინაღის ცვეთა ხდება ნებისმიერ დროს როცა მასში მოძრაობს ჰაერი. რაც უფრო სწრაფად ვსუნთქავთ და რაც უფრო დაბინძურებულ გარემოში ვართ, მით უფრო სწრაფად მოხდება ფილტრის ცვეთა, თუმცა არ იფიქროთ რომ ცოტა დრო გაქვთ – მინიმუმ ერთ საათს მაინც გაძლებს. რეკომენდირებულია ახალი ფილტრის დაყენება ყოველ კრიზისულ ვითარებაში, თუმცა თუ ფილტრმა თავისი ფუნქცია შუა კრიზისას დაკარგა, ამას მარტივად იგრძნობთ და იქვე შეუცვლით ფილტრს. თუ თქვენთვის საჭიროა ფილტრების გამოზოგვა, მაშინ ფილტრის არც ერთი მცველი არ გადააგდოთ, აუცილებლად მოხსენით ფილტრი აირწინაღს და ისევ გაუკეთეთ ორივე მცველი როცა აღარ გამოიყენებთ.

ასევე გაითვალისწინეთ, რომ არსებობს აირწინაღის ღია და დახურული სისტემები. მაგალითისთვის: როცა შენობაში არის ხანძარი, მეხანძრეები შედიან დახურული სისტემებით, რაც ნიშნავს იმას რომ ზურგზე აქვთ ჟანგბადის ბალონები და იქიდან სუნთქავენ ჰაერს. ასეთი სისტემით რა დონის კვამლშიც არ უნდა გაიაროს მეხანძრემ, ის კვამლის შესუნთქვისგან დაცულია. ეს აირწინაღი არის ღია სისტემა. რათქმაუნდა ასეთ ვითარებაში ამ აირწინაღმა შეიძლება იხსნას თქვენი სიცოცხლე, მაგრამ ამ აირწინაღის მოხმარება არ ნიშნავს იმას რომ შეგიძლიათ კვამლს საერთოდ არ მოერიდოთ. ზედმეტად დიდი რაოდენობის კვამლს ფილტრი ვერ გაფილტრავს და კვამლის სუნს მომენტებში მაინც იგრძნობთ.